LEGAZPI CITY-Padagos an preparasyon kan Barangay Mi-isi sa Daraga Albay para sa posibleng pagtuga kan Bulkang Mayon.
Segun kay Barangay Kagawad Servando Loria sa intrevista kan kan Bombo Radyo Legazpi, na sa presente normal pa man an sitwasyon sa saindang lugar.
Padiit diit man suboot an pagbagsak kan ashfall sa saindang mga tanuman poon kan mga nakalihis na aldaw.
Afuera sa mga jovenes asin mga senior citizen, pinagiingat man an mga paraooma sa saindang lugar huli sa sinda an labing apektado pati na an saindang mga kabuhayan.
Sa ngonian pigpreparar na ninda an saindang konseho asin mga behikulo siring man an pagsusulot nin facemask bilang paghahanda sa dai pinaglalaomang pagbuga nin kadakol na ahsfall.
Nasa haros 300 na household o 1, 331 na mga indibidwal an posibleng i-ebakwar sa saindang lugar enkaso maglala pa an aktibidad kan Bulkan.
Dagdag pa kan opisyal na kadfisilan sana suboot sa ngonian para sa sainda, an pagsustenir kan mga pangangaipohan kan mga apektadong residentes.
Kadakol man na mga otoridad an presenteng nakabantay sa harani sa 6km permanent danger zone kun sain mahigot na pinagbabawal an mga paraooma na mabalik liwat para sa saindang mga tanuman.
Pangapudan man niya sa mga paraooma na enkaso maani kan saindang mga pananom, otomatikong magbaba hale digdi para sa saindang kaligtasan.
