LEGAZPI CITY-Kadakol an preparasyon kan Barangay Buraguis Legazpi City ngonian huli sa sa nanotarang kakulangan sa mga residente kan mga nakalihis na mga pagbagyo.
Segun kay Punong Barangay Maria Cristina P. Ajero kan Buraguis, Legazpi City, sa intrevista kan Bombo Radyo Legazpi na nagre-purchase man suboot sinda kan saindang set sa mga evacuation centers huli sa nahiling na mga kakulangan kan nakalihis na mga pagbagyo.
Obheto suboot kaini na matawanan sinda nin maray na sitwasyon asin magin komportable an mga residente.
Nagsagibo man suboot sinda nin clean-up drive sa nagkapirang lugar sa saindang barangay.
Nag-asign man sinda nin mga kawani ngani magbantay sa mga mga evacuation center kun sain prayoridad an mga PWD’s, senior citizen, pregnant women, asin mga kaakian.
Naka-isolated man suboot sa mga evacution centers an mga bados asin an mga may kahelangan.
Dakula man an pasasalamat kan punong barangay huli sa mga nagpaabot nin tabang ngani masierto na igwang bastanteng pagkakan an mga residente.
Nangapudan na man an saindang barangay sa pagpreparar kan mga residente siring man kan saindang mga gamit asin mga harong na ayuson antes an preemptive evacuation.
