Kinansela an klase sa University of Negros Occidental–Recoletos (UNO-R) makalihis madukayan an bala nin badil sa laog kan Senior High School building kan unibersidad.
Segun ki Police Captain Peter John Ramos, Station Commander kan Bacolod Police Station 6, nakaresibe sinda nin apod hali sa eskwelahan dapit sa insidente.
Sa pagrespunde kan mga otoridad, itinurn-over kan head security kan eskwelahan an pinagtutubudan na bala kan caliber .45, na presenteng ipigsairarom sa tests kan crime laboratory.
Sa inisyal na imbestigasyon, sinabi ni Ramos na ini an posibleng sarong klase nin pananakot na may koneksyon sa alitan nin nagkapirang grupo.
Afuera sa bala, nakaresibe man an eskwelahan nin sarong written note na nagpapatanid kontra sa mga “bully” asin nagbanta nin kadahasan.
Mientras tanto, kinanselar man an klase sa University of Saint La Salle (USLS) makalihis makaresibe nin huma.
Basado sa report, sarong ini an nagsumbong sa pamayuhan kan eskwelahan makalihis makaresibe an aki na estudyante nin mensahe bandang alas-2 nin maagahon na nagpapatanid sa suboot babadilon an duwang estudyante kinaagahan.
Sa ipinaluwas na abiso kan USLS, sinierto kan pamayuhan na nakikipag koordinar na sa sinda sa security office asin sa mga law enforcement authorities ngani na maaksyunan an huma asin masierto an seguridad kan mga estudyante, paratukdo asin empleyado kan eskwelahan.
