Nadiskubre an bangkay kan sarong omboy na lalaki sa tambak nin basura sa gilid kan tinampo sa Barangay Pinagbuhatan, Pasig City.
Segun sa sarong residente, nahiling niya an omboy na warang saplot asin nakapatos sana sa plastik sa Blk 34, Kalayaan Street kanto kan Eusebio Avenue.
Tulos siyang nag-apod sa 911 nganing ireport ang insidente, asin tinakluban muna ninda an omboy nin kulay asul na tela.
Nagpoon nang magsulot nin face mask an pirang residente huli sa masangsang na parong na kan enot an pighuna na hale sana sa mga pigtapok na hasang.
Napag-aramang pitong bulan pa sana an omboy.
Segun sa mga awtoridad, posibleng haloy nang yaon duman an bangkay, alagad hapon na ninda ini naireport asin nabisita kan pulisya asin medical rescuers.
Uminabot pa nin haros kabangang aldaw bago ini nakuwa kan taga-punenarya huli suboot sa kakulangan nin mga dokumentong kinakaipuhan.
Sa presente, padagos an imbestigasyon kan barangay asin mga awtoridad nganing maaraman kun siisay an nagtapok sa omboy asin kun siisay an saiyang mga kapamilya.
Nangapodan man an barangay sa sisay mang may impormasyon na makipag-koordinar nganing matawan nin maray na lubong an omboy.
