Saro an kumpirmadong binawian nin buhay, 25 an padagos na pighahanap, mantang 51 man an matrayumpong naisalbar makalihis maglubog an sarong bangkang may lunad nin mga migrante sa kadagatan sa isla kan Gavdos, harani sa Crete sa Greece.
Segun sa tagapagtaram kan Greek Coast Guard nadukayan asin naisalbar kan duwang nag-aging barko sa lugar an 51 sa mga pasahero.
Basado sa pahayag kan mga nakasalbar, nasa 77 katawo an nakalunad sa bangka antes ini dagos na maglubog sa tahaw kan dagat.
Padagos ngunyan an mahewasang search and rescue operations kun saen apat na barko, mga banga, lunadang panghimpapawid kan Frontex, asin sarong helicopter kan coast guard an ipinakalat sa lugar.
Siring man, nadidisilan man suboot an mga imbestigador asin rescue teams huli sa makukusog na paros na umiiral sa kadagatan.
Nakatalaang darahon sa Crete ang 51 nasalbar na migrante nganing isairarom sa mga nakatalaang legal na proseso.
