LEGAZPI CITY-Ikinadismaya ni Baguio City Mayor Benjamin Magalong an mga pahayag na ipinaluwas ni Leyte 4th District Rep. Richard Gomez.
Enot nang binatikos ni Gomez an sarong alkalde kan saiyang syudad na suboot nagpaluwas nin corruption issues laban sa mga mambabatas na igwang koneksiyon sa mga anomalya sa flood control.
Ipighayag man ni Gomez na piggagamit kan nasabing alkalde an mga alegasyon dapit sa corruption nagni maisangat an saindang political agenda mantang nararaot an gabos na mga mambabatas huli sa kontrobersiya sa kurapsyon.
Ipigtaram man kan kongresista, na dapat na munang enoton kan alkalde an mga isyu sa saiyang syudad bago makisawsaw sa isyu kan mga flood control infrastructure project.
Segun man kay Magalong, nakakamundo an naging pahayag ni Gomez orog na pigbibisto niya an kongresista bilang saiyang amigo.
Maski dai man pinangaranan ni Gomez an alkalde, nagtutubod si Mayor Magalong na posibleng siya an pigpapatamaan kan kongresista, kung sain dai suboot siya magkokomento muna sa patutsada kan Leyte representative.
Sinabi man ni Magalong na warang silni an sarong argumento kung dai man magwawalat nin marka sa katotoohan.
