LEGAZPI CITY- Nagbukas nin duwang bagong ruta sa provincia kan Sorsogon para sa mga modernized jeepney.
Segun ki Sorsogon Integrated Transport Federation President Ramon Dealca sa intrevita kan Bombo Radyo Legazpi na naghagad nin special permit sa Land Transportation Franchising and Regulatory Board ngani na magkaigwa nin rutang Sorsogon-Pilar asin Sorsogon-Donsol na dating padifisilan an pagbiyahe kan mga commuters.
Tinugutan na man suboot an pagbiyahe kan duwang modernized jeepney ngani na padiit diit na magkaigwa nin adjustment.
Napag-araman na sa Lunes, magigin apat na an madalagan na mga modernized jeepney sa nasabing lugar ngani na makapag serbi sa mga biyahero asin commuters.
Sinabi ni Dealca na dakulang tabang ini huli ta padifisilan an paglunad kan mga commuters na naghahalat pa nin mga biyaheng pa-Legazpi ngani sanang makapag biyahe.
An mga naghihidali man suboot na pasahero an komon na nag-aarkila pa sa mahal na presyo ngani sanang madaling makapasiring sa saindang dudumanan.
Sinabi kan opisyal na nakipag koordinar sinda sa lokal na gobierno kan duwang banwaan ngani na maipaaram sa mga ini an dapit sa special permit sa binuksan na mga ruta.
Mientras tanto, sa presente napag-araman na nasa 145 na mga units na kan modernized jeepney an nagba biyahe sa provincia.
