LEGAZPI CITY-Ikakasa kan grupong August Twenty-One Movement an sarong martyrdom sa nangyaring assasination kay dating Senator Benigno “Ninoy” Aquino Jr. kan August 21, 1983 sa Manila International Airport na ngonian Ninoy Aquino International Airport o NAIA.
Isasagibo ini bilang pagbisto sa kadakilaan ni ‘Butz Aquino’ o dating Senator Benigno “Ninoy” Aquino Jr.
Segun kay August Twenty-One Movement President Volt Bohol, sa intrevista kan Bombo Radyo Legazpi, na ini bilang martyrdom para kay Aquino asin sa komemorasyon kan aldaw kan pagbilog kan saindang foundation na Atom.
Nakahanda man an saindang aktibidades kabale na an sarong sunday walk ngonian na aldaw bilang pagkomemorar kay ‘Butz Aquino’ na gigibohon sa Ayala Triangle Garden pasirin sa statue mismo ni Aquino.
Sa Lunes, Agosto 17, magsasagibo man nin komemorasyon para sa death aniversary kan dating Senador bilang build up suboot sa isasagibong martyrdom sa Agosto 21.
Kun sain, pangengenotan ini kan National Historica Commission, asin ililipat an Ninoy Marker sa arrival ramp poon sa dating departure ramp huli ta digdi suboot nangyari an historya kun sain balak ibalita ni Ninoy an bad news kan aldaw na ito.
Magkakaigwa man nin motorcade hale sa airport pasiring sa Manila Memorial Park kun sain gigibohon naman an misa na inorganisa kan Ninoy and Cory Foundation.
