LEGAZPI CITY-Nagkakasaro an Association of Southeast Asian Nations (ASEAN) asin an China na ipadagos an mga negosasyon ngani mahale an naantalang Code of Conduct (COC) para sa West Philippine Sea, kun sain ipapahiling kan mga lider kan rehiyon an liwat na pagorolay sa irarom kan pamumuno kan Pilipinas bilang ASEAN chair.
Segun kay ASEAN spokesperson Dominic Xavier Imperial, mantang dai pa sierto an magigin resulta kan mga maabot pang pagoolay, nagtetenir na committed an gabos kan partido na ibuso an negosasyon makalihis an pagkaantala.
Nabanggit man kan ASEAN member states asin China an pagkakasararo sa para sa sarong konklusyon ngonian na taong 2026.
Obheto kan Code of Conduct na magtakda nin mga regulasyon ngani pamayuhan an magkakasalungat na pag-angkin sa nasabing kadagatan, saro sa mga pangenot na ruta kan barko sa bilog na kinaban, asin sentro kan tensyon sa pagultangan kan China asin mga nacion na kaalyado kan Estados Unidos sa Southeast Asia.
Pigeenganyar man kan Pilipinas, bilang ASEAN Chair an pirmihang pagoolay ngani mamantenir an momentum kan negosyasyon kun sain piglalaoman an padagos na progreso sa madaliang panahon.
