LEGAZPI CITY — Ipinagsugo na kan Presidential Task Force on Media Security (PTFoMS) an tulos asin hirarumang pag-iimbestigar tangarig na maaraman an responsable sa pambabadil sa Bombo Radyo sa General Santos City.
Sa intrevista kan Bombo Radyo Legazpi ki PTFOMS Executive Director Usec. Joel Sy-Egco, marikas na nakaabot sa oficina an report sa insidente kaya otomatikong nakipagkoordinar sa lokal na otoridad para sa aksyon.
Mayor na obehto kaini na maasegurar an seguridad kan gabos na personahes kan istasyon urog na bako suboot karaw an nangyari.
Segun pa ki Egco, bako na estranghero sainda an Bombo Radyo Gensan makalihis na enot naman na maimbwelto sa sarong huma sa seguridad katakod kan mainit na pagdiskutir sa isyu kan suboot investment scam kan Kabus Padatuon (KAPA) Ministry International Inc.
Ipigduon pa ni Egco na klarado na may kinaaraman sa trabaho an isyu alagad kaipuhan pa man na maberipikar sa imbestigasyon partikular na an pagkakabisto kan nagbadil.
Nakatalaan man na magsumitir nin initial report sa insidente sa nasabing opisyal ngonian na aldaw.
