LEGAZPI CITY-Nagpaluwas an Regional Trial Court sa Sta. Cruz, Laguna kan madamiento de aresto laban sa negosyanteng si Charlie “Atong” Ang asin 17 iba pa huli sa kasong kidnapping with homicide.
An nasambitang kaso an pigkokonsiderang non-bailable offense, kaya warang piyansa na itinakda an korte.
Segun sa kasuguan, may bastanteng probable cause ngani isugo an pagaresrtar sa mga akusado.
Pigtugon man kan korte an mga pulisya na maggamit kan body-worn cameras asin recording devices sa pagsiserbi kan warrant ngani masierto an transparency.
An kaso katakod kan pagkawara asin pagkagadan kan nagkapirang sabungero na nagin dakulang isyu sa nacion.
Huli digdi, piglalaoman na magigin masusi an pigbabantayan na proseso kan pagarestar asin paglilitis sa mga akusado.
Wara pa man nin pahayag an kampo ni Ang sa bagong development mapadapit sa nasabing kaso.
