LEGAZPI CITY- Pigpunan na kan Probinsya kan Albay an tree pruning activity bilang parte kan mitigation initiatives antes an pag-abot kan mga calamidad.
Segun kay Dr. Cedric Daep, an pamayo kan Albay Provincial Public Safety and Emergency Management Office sa intrevista kan Bombo Radyo Legazpi, isasagibo an pagputol kan mga sangang kahoy sa mga tinampo hasta sa ikaduwang semana kan Oktobre asin dae pa nagpupuon an mga bagyo.
Katuwang sa nasabing aktibidad an mga personahes kan Department of Public Works and Highways Bicol, Albay provincial Engineer Office, Department of Environment and Natural Resources Bicol, Albay Electric Cooperative asin an general services.
Segun kay Dr. Cedric, naka sentro an tree pruning activity sa mga primary roads kan nasabing probinsya.
Alagad problema suboot an kakulangan sa personahes na mahakot kan mga pinutol na sanga magin an parahakot na truck na piggagamit sa nasabing aktibdad.
Mientrastanto, nangapudan an opisyal sa mga barangay asin lokal na gobyerno na magtabang man sinda para mapadali an paglilinig.
An tree prunning activity an piggigibo ngani na maibitaran an pagkakaigwa nin halawig na brownout kun enkaso man masabitan nin mga sangang kahoy an mga linya kan kuryente tuyong may makusog na bagyo.
