Nag-abot na sa P1.15 trilyon an mga investment pledges na naaprobaran sa Pilipinas para sa enot na pitong bulan kan taong 2024.
Base sa Board of Investments, mas halangkaw nin nasa 65% an naglaog na mga investment pledges sa nasyun kung ikukumpara sa P699 billion kan nakalihis na taon.
Kaiba sa mga proyekto na nakatalaan ng punan an P185-billion na kantidad nin solar project na may battery energy storage.
Igwa man nin P1.2-billion na kantidad nin manufacturing and processing facility para sa biscuits, P263 million na solar rooftop projects, P245-million na activated carbon and charcoal production facility asin iba pa.
Pinaglalaoman kan ahensya na makakatabang an mga investments na ini ngani na mapakusog an industriya sa nasyun na makakapagkriar nin trabaho asin mapakusog sa ekonomiya.
