LEGAZPI CITY- Labi an kamunduan kan mga Kongresista makalihis an biglaang pamamaaram ni Sorsogon 2nd District Representative Maria Bernardita “Ditas” Ramos sa edad na 83 anyos nagkapirang aldaw sana makalihis na makumpirmang may coronavirus diseae.
Sa intrevista kan Bombo Radyo Legazpi kay Ako Bicol Partylist Representative Alfredo Garbin Jr., nabisto bilang kalmado, asin maboot na kongresista an opisyal na inapod nindang Tita Ditas.
Binansagan man suboot ini bilang ina kan Kongreso huli sa maray na trato sa mga katrabaho.
Segun kay Garbin, sa haros sarong taon na pagkakaibanan ninda sa Bicol block, nahilingan nin pagiging mahigos si Tita Ditas na aru-aldaw nanag-aatindir kan mga pagdangog sa Kongreso sa ibong kan edad kaini.
Nagpaabot na man si Garbin nin pakikidumamay sa mga kaparientes na nawalat kan namaaram na Kongresista.
