LEGAZPI CITY—Nangenot an sarong alumnus kan Bicol University College of Industrial Technology sa ginibong August 2026 Certified Plant Mechanics Computer-Based Licensure Examination na may rating na 86.50%.
Segun ki Domingo Cañeta Jr., an Top 1 sa ginibong eksaminasyon, sa intrevista kan Bombo Radyo Legazpi, dae niya suboot piglaoman na Top 1 siya alagad kumpiyansa na makakapasar siya sa eksaminasyon huli sa nakasimbag siya sa mg kahaputan digdi.
Dugang niya na ini an enot na bes na nagkua siya kan nasabing eksaminasyon asin naisipan niya na magkua kan exam huli sa saiyang trabaho.
Pag-istorya kaini na nabigla suboot siya kan naaraman niya na Top 1 siya huli sa enot niyang hiniling an mga listahan kan mga nakasapasar digdi. Naaraman kaining nangenot siya gikan sa mensahekan saiyang review center.
Nag-enroll si Cañeta sa rcr kun sain binalikan niya an saiyang pinag-adalan, experience, theory siring man an pag-review uro-aldaw pag may libreng oras sa trabaho asin pag-uli sa harong sagkod sa aldaw kan eksaminasyon.
Pagdoon kaini na mawot niyang makumpleto an electrical asin mechanical na lisensya.
En kaso man na makakua siya nin magayon na oportunidad saiya man ining kukuwaon.
Si Cañeta an sarong tubong Tiwi, Albay asin naggradwar sa degree program na electrical technology kan taong 2016 sa Bicol University.
Nakua man kaini an Top 2 spot sa August 2025 Registered Master Electricians Licensure Examinations.
Sa presente nagtatraho ini bilang facilities technician sa sarong electronics company sa Cabuyao, Laguna.
Menshae man niyasa mga mawot na magkua nin sirng na eksaminasyon na pagtibayan an saindang pag-aadal asin pag-abot man sa trabaho an dapat ihapot kun ano an kinakaipuhang hapot sa saindang seniors asin pag-adalan an mga in hul sa kadaklan kan nagluluwas sa nasabing exam an basado sa saindang experience.
