Nagsunad nin not guilty plea si dismissed Bamban, Tarlac Mayor Alice Guo sa graft charges na pigkakahampang kaini sa Valenzuela Regional Trial Court.
Segun ki Valenzuela Regional Branch 285 clerk of court Atty. Pascual Lacas Jr. na nag sunad nin not guilty plea si Guo sa pagbayolar sa Republic Act 3019 sa paagi kan videoconference.
Ini an may kinaaraman sa Anti-Graft and Corrupt Practices Act na pigkakahampang ni Guo.
An masunod na pagdangog man an gigibuhon sa Nobyembre 22 para sa pag presentar nin mga ebidensya.
Dae na man kaipuhan an presensya ni Guo sa masunod na pagdangog makalihis i-waive an diretsos na mag-atendir.
Marurumduman na kan Setyembre, nagbayad nin piyansa si Guo na nagkakantidad nin P540,000 alagad nagtetenir ining nakakulong sa Pasig City Jail Female Dormitory.
