Mahahampang sa angat si Pinay tennis star Alex Eala sa ika-duwang round kan Women’s Tennis Association 125 Philippine Women’s Open.
Makakatapat kaya kaini si Himeno Sakatsume kan Japan sa round of 16 kan torneyo na gigibuhon sa Rizal Memorial Tennis Center atyan na alas-6 nin banggi.
Ini na an ika-duwang beses na maghahampang an duwa kun sain an enot nindang paglalaban an kan dinaog kan Japanese tennis player si Eala kan 2023 sa Osaka, Japan.
Dae man nagpapaka kumpiyansa an 24-anyos na Japanese tennis player huli sa dakulang pagbabago na pigpapahiling ni Eala.
Aminado ini na kakaiba an tibay kan Pinay tennis star kumparar kan nakalihis na taon.
Marurumduman na dinaog ni Eala si Alina Charaeva kan Russia sa enot na round kan torneo.
