Nasungkit ni Alexandra “Alex” Eala ang kampeonato sa WTA 125 Birmingham Open makalihis daugon si Nikola Bartunkova sa iskor na 5-7, 6-3, 7-5, kan Domingo.
Mantang nadaog sa enot na set, bumawi si Eala sa ikaduwang set sa paagi kan mas dominante niyang pagkawat.
Nakakua siya nin 5-2 na kalamangan bago nakabawi si Bartunkova sa saiyang pag-serve nganing mapalaba pa an set. Siring man tulos ining tinapos ni Eala nganing maipuwersa ang deciding set 3.
Sa ikatulong set, amay na nakalamang si Bartunkova alagad tumugon si Eala sa paagi kan pagkagana sa tulong sunod na kawatr nganing makua an 4-2 na bentahe.
Nakabawi ang Czech player asin naitabla ang set sa iskor na 5-5.
Sa ibong kan kritikal na kawat, matrayumpong namantinir ni Eala ang saiyang pag-serve nganing umabante sa 6-5 bago niya na-break ang serbisyo ni Bartunkova sa huring kawat nganing maselyuhan ang kampeonato.
Ini an ikaduwang titulo ni Eala sa WTA 125, makalihis an saiyang trayumpo sa Guadalajara 125 tournament kan Setyembre kan nakalihis na taon.
