LEGAZPI CITY-Amay na nag-exit sa round of 32 an tambalan nina Alexandra “Alex” Eala asin Amerikanong si Iva Jovic sa doubles tournament kan Indian Wells Open makalihis na madaog kan Amerikanong si Hailey Baptiste asin Latvian na si Jelena Ostapenko.
Kinontrol ninda Baptiste asin Ostapenko an laban kan magpoon an kawat asin sarong oras sana an kinaipuhan ngani masierto an trayumpo sa straight-sets.
Nag-sakat man an Amerikano-Latvian duo sa 4-1 lead sa ikaduwang set bago nagibo ni Eala asin Jovic na makuha an saro pang kawat.
Digdi na marikas na nabawi nina Baptiste asin Ostapenko an kontrol, na nagpasarado kan laban.
An pagkadaog na ini, nagtapos sa kampanya ni Jovic sa Indian Wells makalihis na madaog man siya sa singles laban kay Camila Osorio.
