LEGAZPI CITY—Nakapagrehistro an Albay Veterinary Office (AVO) nin 28 na nagpositibo sa rabies kan taong 2024 sa probinsya nin Albay.
Segun ki Dr. Pancho Mella, an pamayo kan AVO, sa intrevista kan Bombo Radyo Legazpi, an nairehistrong rabies gikan sa manlaen-laen na lugar siring kan Tiwi, Tabaco City, Bacacay, Legazpi City, Daraga, Camalig, Guinobatan, Ligao, Oas, Polangui, asin Pioduran.
Susog sa saindang datos, gabos man na nasambitang kaso an natawan nin asistensya kan saindang opisina kairiba an lokal na gobyerno asin barangay na kun saen pagkatapos na magpositibo sa rabies tulos man na pigbakunahan an gabos na mga ayam sa komunidad.
Mientrastanto, susog sa ahensya na maabot man sa 579 na ayam an nai-turnover sa bilog na taon sa probinsya.
