LEGAZPI CITY – Nasa provincia na kan Masbate an ipinadarang one man team na kompwesto kan mga personahes gikan sa manlain-laing ahensya kan provincia kan Albay nganing magsagibo nin humanitarian mission.
Segun ki Albay Public Safety and Emergency Management Office – Provincial Disaster Risk Reduction and Management Office Officer in Charge Rick Mendoza sa intrevista kan Bombo Radyo Legazpi na katuyuhan kan Albay team an makapagtao nin tabang makalihis rapaduhon an Island province ni Bagyong Opong asin mawot ninda magtabang sa saindang tugang na provincia para sa saindang pagbuwat liwat.
Tradisyon na suboot ninda an siring kaining pagtabang sa maski sain na parte kan Pilipinas nasalanta kan manlain-laing klase nin kalamidad mantang ipinadara man ninda an water and sanitation component team makalihis na mapag-araman ninda na saro an tubig sa kaipuhan sa presente kan Masbate.
Afuera sa mga personahes an may ipinadara man sinda na 4 na water trucks na kun sain duwa sa mga ini an potable o pwedesir inuman asin duwa man para sa domestic use na tubig.
Pigtaram pa kan opisyal na nahaluyan an saindang team na magpasiring sa isla provincia huli sa halabang pila sa Pioduran Port asin presente nang nag-distribwer nin tubig sa Aroroy, Masbate.
Nagdonar man suboot an provincial Government of Albay nin P1M sa Masbate Province para sa marikas nindang recovery.
Promesa man ni Mendoza sa mga Masbateño na padagos sindang matabang sa saindang mga pangangaipuhan hangga’t kaipuhan an saindang team sa naunambitang provincia.
