LEGAZPI CITY – Liwat na binuksan kan Provincial Government kan Albay an Provincial Rehabilitation and Treatment Center sa ciudad kan Ligao.
Kan sarong aldaw nagsagibo nin Blessing and Innaguration sa nasabing pasilidad an provincial government.
Sa intrevista kan Bombo Radyo Legazpi ki Philippine Drug Enforcement Agency Albay Provincial Director Noe Briguel, suportado kan opisina an nasabing inisyatibo kan Junta Provincial kan Albay.
Segun ki Briguel, kan taong 2019 pa dapat bubuksan an nasabing rehabilitation center alagad naoktaba huli ta ginamit an quarantine facility para sa COVID-19 patients.
Inihayag kan opisyal na dakulang tabang ini sa iba pang mga local government units sa pagsairarom sa rehabilitation kan mga personang padagos na nagagamit nin ilegal na droga.
Digdi ilalaog an mga personang ”severely affected”na dae na kayang i-acomodar kan mga community based rehabilitation program.
