LEGAZPI CITY — Nagpasalamat an pamayuhan kan Albay Police Provincial Office (PPO) sa kooperasyon kan mga stake holders asin kan PNP katakod kan pagsierto kan katoninongan kan nakaaging Semana Santa.
Segun ki PCI Arthur Gomez, tagapagtaram kan Albay PPO, nagin preparado man an lambang Local Government Unit (LGU) kun sain pinasubli kan mga ini an saindang ambulansya na dae pigagamit ngani na mag-stand by kun en kaso man na igwa nin mga dae piglalaoman na insidente asin ipinagpasalamat kan opisyal na wara nin darakulang aksidenteng nangyari.
Pigbuyagyag man ni Gomez an nagin tabang kan Department of Tourism (DOT) na iyo suboot an nagtrain sa mga personahes na ipigdisignar sa mga motorist asin police assisstance desk na nakabugtak sa mga matatawong lugar.
An ahensya suboot an nagtao nin giya sa mga ini ngani na magtao nin tabang asin asistensya sa mga turista na gikan pa sa ibang mga nasyon.
