LEGAZPI CITY- Nagtagama an probinsya kan Albay nin 1.5million pesos na pondo para sa mga centenarians kan Probinsiya.
An centenarians iyo an mga senior citizens na nakaantos nin 100 taon an edad na pwedesir na makarisibe nin 50,000 pesos insentibo gikan sa budget na pig alokektar kan Albay.
Segun kay Ma. Vivien Cea, an Albay Provincial Social welfare and development office head sa naging intrevista kan Bombo radyo legazpi, igwa na sindang naresibe na 22 na senior citizens gikan sa manlaen laen na munisipyo asin syudad kan Probinsya na nakapag birthday na puon kan Enero 1 asin magbibirthday sagkod Desyembre 31 ngunian na taon.
Sa ngunian nakapagtao na an saindang opisina sa 11 centenarians nin cash incentives na naka antos na sa edad kan 100 yrs old kasabay kan pigtataong certificate of felicitation na pirmado ni Gov Grex Lagman.
Mientrastanto, pighayag man liwat kaini sa publiko an mga rekisitos na pighahagad sa pag claim kan incentives kun saen kaipuhan na magpresintar nin birth certificate o kaya iba pang data record na magpapatunay kan edad asin pwedesir man an birth certificate kan matuang aki kun wara na ining birth certificate.
