LEGAZPI CITY — Bagsak sa karsel sa ikatulong beses an ipigkokonsiderar na Rank Number 3 sa Provincial High Value Target List sa Masbate.
Inarestar si Isagani Delavin Jr. alyas “Panong” makalihis an isinagibong buy-bust operation sa Brgy. Syndicate, banwaan kan Aroroy.
Sa intrevista kan Bombo Radyo Legazpi ki PSt/Sgt. Adrian Panganiban, imbestigador kan Aroroy PNP, luwas-laog na suboot si alyas Panong sa mga kasong may kinaaraman sa iligal na droga alagad nakakapagpiyansa.
Sa liwat na pagkadakop ki Delavin, narekober digdi an marked money asin duwang sachet kan pigtutubudang shabu na may market value na P4, 000.
Napag-araman man na aki si Delavin kan sarong retiradong school’s division superintendent.
Sa presente, nakasuhan na ini sa paagi kan inquest proceeding sa Masbate Provincial Prosecutor’s Office asin piglalaomang makikipag-coordinar sa mga otoridad tangarig maarestar an supplier kaini.
