Nagpatanid an Armed Forces of the Philippines sa nadiskubreng paluway-luway na paglaog kan mga Chinese sa nagkapirang sektor sa Pilipinas.
Segun kay Armed Forces of the Philippines Chief Gen. Romeo Brawner Jr., pigtatarget kan China an mga sektor na siring kan negosyo, edukasyon, media asin maging lokal na gobyerno.
Piggagamit suboot ini kan China ngani na makapagpalakop nin mga salang impormasyon asin makaimpluwensya sa mga Pilipino.
Sa ngunyan pigtutotokan na suboot ini kan Armed Forces of the Philippines na nakikipagtabangan sa mga ahensya kan gobyerno.
Ipigtaong ehemplo kan opisyal an magkakasunod na raid na piggigibo kan mga otoridad kontra sa mga Philippine Offshore Gaming Operations na imbwelto sa mga iligal na aktibidad.
