Nagpahayag an liderato kan Armed Forces of the Philippines kan saindang kahandaan sa pagtabang sa pag-ebakwar kan mga Pilipino na apektado kan kariribokan sa Middle East.
Segun ki AFP Chief General Romeo Brawner Jr., obheto kan saindang hanay na matabangan an mga Pilipino na gustong magbalik sa nasyon.
Ginibo ni Gen. Brawner an pahayag kasunod kan pagkagadan kan sarong Filipina caregiver sa Israel makalihis an sarong Iranian missile attack.
Igwa suboot nin contingency plan an AFP asin aapodon ining non-combatant evacuation operation.
Preparado man suboot an C-130 kan AFP asin an mga barko kaini enkaso kinakaipuhan an pag-ebakwar kan mga Pilipino sa Middle East.
Haloy na suboot ninda ining ginigibo puon pa kan nakalihis na dekada kan mangyari an kaparehong problema sa nasabing rehiyon.
