LEGAZPI CITY- Naglalaom an Alliance of Concerned Teachers (ACT) na madagdagan an saindang Personal Economic Relief Allowances (PERA) sa pigsasagibongbudget deliberation kan kamara.
Segun kay ACT Chairperson Vlademir Quetua sa intrevista kan Bombo Radyo Legazpi na importante an pagtaas kaini nin huli ta sadit sana an allowance na pigpaluwas sa irarom kan Executive Order 64 na 50 pesos kada aldaw.
Sinabi man kaini na haros duwang dekada nang nasa dosmil de pesos an saindang allowance asin gibuhon na singkomil de pesos nin huli sa dae suboot ini makasabay sa paglangkaw kan mga barakalon na kawsa kan inflation rate.
Dugang man kan opisyal na diit sana man asin laban bawi sana suboot an saindang sweldo nin huli sa mga tax na pigbabawas digdi siring man na itao na an mga benipisyong dae pa pigtatao sa mga paratukdo arug kan sick leave.
Tinaram man ni Quetua na gibuhon na ining batas na paglangkaw sa saindang allowance asin dae kaini pagbaraton an “PERA” arug kan EO 64 kasabay na man an panawagan kaini na gibuhong 15k na hale sa dating 10k an saindang election service.
Pigtawan doon man kaini na isabay na ini sa budget para sa sunod na taon nin huli sa wara na suboot panahon para digdi siring man na magigin maugma an saindang pagselebrar kan teacher’s month kun masasabay an paglangkaw sa saindang allowance asin kan budget sa edukasyon.
