LEGAZPI CITY-Pormal nang idineklara kan impeachment court bilang “hostile witness” si Gina Acosta, an dating Special Disbursing Officer (SDO) kan Office of the Vice President (OVP), ngonian na aldaw nin Lunes, Agosto 17.
Huli digdi, ipinaliwanag ni Presiding Officer Chiz Escudero na posibleng maggamit nin mga “leading question” si Private Prosecutor Atty. Amando Virgil Ligutan sa saiyang paghahapot sa testigo.
Mientras tanto, nagin mainit man an pagdangog kan sitahon ni Senator-Judge Erwin Tulfo si Acosta asin obligahon na magtaram sa wikang Tagalog asin English.
Nagigin maluway kaya an trial hulu sa pagsasalin kan taramon poon sa Bisaya, pasiring sa tagalog asin English huli sa pigsasabi kan witness na dai siya sanay sa ibang wika.
Nagluwas man si Tulfo nin kopya kan opisyal na transcript hale sa mga nakaaging pagdangog kan House Committee on Good Governance ngani patunayan na nakakataram asin nakakasimbag man si Acosta sa wikang Tagalog.
