LEGAZPI CITY – Pighayag kan Department of Agriculture Bicol na dakulang rason sa pagbaba kan inflation sa rehiyon an abot kayang bagas.
Segun ki DA Bicol Spokesperson Love Guarin sa intrevista kan Bombo Radyo Legazpi na dakulang tabang an pag-aprobitsar kan mga minimum wage earners nin 20 kilos nin bagas program kan gobierno.
Basado man sa saindang monitoring an nagtetenir na nagkakawt sa 40 sagkod 43 pesos an kada kilo kan well milled rice sa ciudad kan Sorsogon asin Naga.
Sa hiling niya man na posibleng magbaba pa an inflation sa bagas huli ta kakatapos pa sana kan pigkokonsidera nindang magayon na anihan season huli sa warang kalamidad na nangrapado sa rehiyon.
Pagdoon pa kan opisyal na gabos na pigbabarewas na bagas kan National Food Authority an gikan sa mga lokal na paraooma na nagpabakal kan saindang paroy sa ahensya sa halangkaw na kantidad.
Wara man suboot nin maraot na epekto an 20 pesos kada kilo nin bagas kan gobierno sa halangkaw na presyuhan kan ahensya sa mga paroy.
Piglalaoman niya na magigin abilable na man sa mga vulnerable sector an P20 rice program kan administrasyon sa paagi kan inisyatiba kan mga lokal na gobierno.
Pagirumdom ni Guarin na kaipuhan munang magsagibo nin memorandum of agreement an mga LGU sa food terminal incorporated nganing makapagpoon na sinda magpabakal kan 20 pesos na bagas.
