LEGAZPI CITY—Nakua kan mga otoridad an abandunadong dried marijuana na nakabugtak sa sachet sa Purok 7, Brgy. San Isidro Ilawod, Malilipot, Albay.
Segun ki Malilipot MPS OIC PCPT Alex Alcantara, sa intrevista kan Bombo Radyo Legazpi, an nasambitang pigtutubudang marijuana nakua kan mga Barangay Tanod mantang sinda nagpapatrolya sa nasambitang barangay.
Pigtaram kaini na basado sa saindang imbestigasyon, posible suboot na nahulog ini o nagserbing drop off area kan nagpapabakal asin mabakal kan marijuana an lugar.
Pigkarkulong maabot sa 10 gramos an gabat kaini asin may market value na P1,500.
Sa ngonian padagos pa an saindang pigsasagibong imbestigasyon sa kun siisay an mga persona an imbuwelto digdi.
