Labi tulong katawo an gadan mantang 36 man an padagos pang pinaghahanap makalihis sumiklab an kasulo sa sarong pagibohan nin kendi sa western Java, Indonesia.
Nairehistro an kasulo sa saorng pabrika sa Serang, Banten province, 50 kilometro an rayo hale sa kanluran kan kabisera kan Indonesia sa Jakarta.
Segun sa National Search and Rescue Agency ng Indonesia, 15 katawo na an naisalbar hale sa kasulo mantang apat man sa mga ini an tulos na isinugod sa ospital.
Piggibo man kan ahensya an gabos na makakaya kaini ngani mahanap an mga nawawara pang katawo sa laog kan pabrika.
Pagheras ni Banten governor Andra Soni, nasa 60 katawo an nasa loag kan nasabing pabrika kan magliyab ini.
Mantang padagos an imbestigasyon kan mga otoridad nganing maaraman an kawsa kan kasulo, napag-aramang pagrugaring kan saro sa pinakadakulang food and beverage companies sa Indonesia an nasulo na pabrika.











