Idineklarang nagkasala kan International Court of Justice (ICJ) an Myanmar sa kasong genocide o sistematikong paglipol sa minority Muslims na Rohingya kaugnay kan mahewasang operasyong militar kan 2017.
Sa botong 9-6, nagpasya an pinakamahalangkaw na korte kan United Nations na pigbalgar kan Myanmar an Genocide Convention makalihis mapatotoohan an mahewasang paggadan, seksuwal na kadahasan asin iba pang kalupitan kontra sa mga Rohingya.
Segun ki ICJ President Yuji Iwasawa, dae mababa sa 10,000 Rohingya an ginadan kan mga puwersang panseguridad kan Myanmar, mantang labi 730,000 an napiritang mag-ebakwar pasiring sa Bangladesh huli sa kadahasan.
Ini an kaenot-enoting pagkakataon na pinanagot kan ICJ an sarong estado sa krimen nin genocide.
Inatasan man kan korte an Myanmar na magtao nin reparasyon sa mga biktima.
Mientrastanto, inapod kan Gambia, na nagsangat kan kaso kontra sa Myanmar, na makasaysayang lakdang ini para sa pagkamit nin hustisya sa pankinaban na komunidad.








