LEGAZPI CITY-Sinabi kan United Nations investigator na pigtuyo kan Israel an nagin pag-target sa mga jovenes na Palestino na nagresulta sa padagos na “genocide” sa Gaza.
Segun sa UN Independent International Commission of Inquiry na nahilingan nin ebidensya na an mga aking Palestinian, tinuyo na targeton ain nagadan sa Israeli security forces.
Dugang pa kaini na intensyon kan mga otoridad asin Israeli security forces na wasakon an mga darakulang grupong Palestino sa Gaza.
Enot nang nadeterminar kan tulong miembros kan investigative team, na dai mismo nakikisumaro para sa UN, na kan nakalihis na Setyembre, nagsagibo an Israel nin “genocide” sa gera sa sa Gaza, na pinahimutikan naman kan Israel.
Sa report kan Martes, sinabi na ninda na nagpapadagos an matinding sakop asin sistematikong operasyon kan Israeli military na nagresulta sa “warang kapantay” na pagkagadan, danyos, asin trauma sa mga aki na Palestino.
Pigbusisi naman kan komisyon kan UN Human Rights Council poon 2021 an pinakabagong report mapadapit sa mga krimen na nakakaapektar sa mag joven an Palestino, asin kun an mga kondisyon kan pamumuhay na ipinataw kan Israel sa Gaza, an nagreresulta sa mahiwasang pagkagadan kan mga kajovenesan.
