LEGAZPI CITY-Nagpasiyang umurong si dating Miss Universe Philippines 2023 Michelle Dee sa paparaning laban kaini sa Miss Grand International All Stars makalihis magsairarom sa sarong appendectomy.

Sa opisyal na pahayag na iniluwas ni Dee online, kinumpirma kaini an saiyang pag-atras ngani itagama an saiyang oras sa pagpaparahay sa operasyon.

Kasunod ini kan maireport na isugod siya sa ospital kan Nobyembre 9 makalihis mamatean an matinding pagkulog sa saiyang tulak
kun sain tulos siyang isinairarom sa sarong emergency appendectomy.

Inabisuhan man si Dee kan saiyang medical team na sunudon an saiyang recovery timeline asin pinayuhang umiwas muna sa mga pangmatagalang pisikal na aktibidad asin lubos na pagbabanat kan lawas ngani malikayan an mga komplikasyon mantang nagpaparahay.

Tanggap man kan beaty queen an pangangaipo niyang maghinay-hinay muna sa mga kaganapan.