LEGAZPI CITY-Desidido an National Union of Peoples’ Lawyers (NUPL) na magsangat nin kaso laban sa mga kapulisan na nag-aresto sa nagkapirang mga protesters durante kan ASEAN Summit 2026 sa nacion.
Segun kay NUPL President Ephraim Cortez, malinaw na pagbayolar sa direchos humanos an ginibong pag-arestar kan kapulisan sa mga protesters.
Pigha-handa na ninda an mga kasong arbitrary detention asin pagbayolar sa Batas Pambansa Blg. 880 o an Public Assembly Act of 1985.
Kaiba man sa isasangat na kaso an basado sa Republic Act 7438, orog na an right to counsel kan mga detainees.
An nasabing lakdang, ginibo makalihis arestaron kan mga kapulisan an labi sa 200 protesters na nagsagibo nin rally sa pagpopoon kan 49th ASEAN Summit sa nacion.
Pigi-imbestigaran na man kan Commission on Human Rights an suboot pagbayolar kan kapulisan sa pag-aresto ninda sa 11 na protesters sa ciudad kan Maynila.
Kinokondina man kan mga protesters an pag-abot sa nacion ni US President Donald Trump na nag-atendir sa ASEAN Summit.







