Pirang aldaw makalihis an pagbisita ni US President Donald Trump sa Pilipinas, nagpasiring naman siya sa Shenzhen, China, nganing mag-atendir sa Asia-Pacific Economic Cooperation o APEC Summit, kun sain nakatalaan siyang makipag-olay ki Chinese President Xi Jinping asin Russian President Vladimir Putin.
Sa saiyang pag-abot kan Miyerkules, personal na sinabat ni Xi si Trump sa eropuerto, kun sain nagribayan an duwa nin pakikipagkamay asin bilang pagpapahiling kan magayayon na relasyong diplomatiko. Naghilingan man nin personal sina Trump asin Putin sa enot na pagkakataon puon Agosto 2025.
Piglalaomang ididiskotir sa nakatalaang trilateral meeting ang importanteng orolay sa kinaban, kabale an nagpapadagos na giyera sa Ukraine, tensyon sa Iran, kalakalan, nuclear proliferation, asin pag-uswag kan artificial intelligence.
Sa ibong kan mga tensyon sa pagultangan kan saindang mga nacion, naglalaom si Xi na mapatatag ang relasyon kan China asin Estados Unidos sa paagi kan pag-oolay asin pagtatarabangan.
Piglalaomang magigin importante an pag-oolay kan tulong lider sa direksyon ng pandaigdigang seguridad, ekonomiya asin katoninongan, urog na sa tahaw kan mga umiiral na sigalot sa iba’t ibang panig kan kinaban.










