Duwa katawo an nalugadan makalihis magbanggaan an duwang eroplano na nagta-taxi sa Miami International Airport sa Florida kan Sabado, Nobyembre 15.

Segun sa Federal Aviation Administration, tinamaan kan puro kan pakpak kan Boeing 737 kan Copa Airlines an dungo kan saro pang eroplano na Boeing 767 kan United Parcel Services mantang nagta-taxi an mga ini sa runway.

Magta-taxi kutana pasiring sa gate an eroplano kan Copa Airlines, mantang malayog pa sana pasiring Bogota, Colombia an eroplano kan UPS.

Lunad kan eroplano kan Copa an 166 na pasahero asin anom na crew members kan mangyari an banggaan.

Duwa katao an nairehistrong nagtamo nin dikit na lugad asin tulos na tinawan nin paenot na bulong.