Maogmang ipigheras kan Department of Tourism (DoT) na nagkakaigwa nin magayon na ganansya an mga negosyante na kabali sa hub kan micro, small and medium enterprises (MSME) sa ASEAN International Media Center (IMC) sa World Trade Center sa Pasay City.
Segun sa pagtaya kan ahensiya, puon kan magkaigwa nin soft-opening an nasabing hub kan Nobyembre 11, nakakolekta na sinda nin kita na maabot sa labi P900,000.
An Philippine Experience an inorganisa kan DoT kaibahan an Presidential Communications Office (PCO) kun saen mahihiling an nagkapirang mga produkto na ipinagmamalaki sa Pilipinas.
Igwa nin mga kiosk kun saen matatanaan an mga ipinagmamalaking pagkaon hali sa Luzon, Visayas, asin Mindanao.
Segun ki Tourism Secretary Dita Angara-Mathay, an pag-host kan Pilipinas kan ASEAN an nagtatao nin oportunidad para maipabisto kan Pilipinas an produkto kaini sa bilog na kinaban.
Siring sa bilin sainda ni Pangulong Ferdinand Marcos Jr., sa pag-host kan Pilipinas kan ASEAN dapat samantalahon an oportunidad para maipabisto an ipinagmamalaking produkto kan nasyon.











