Maugmang ipigheras kan Department of Tourism (DOT) na nagkakaigwa nin magayon na ganansya an mga negostanteng kaibanan sa hub kan micro, small and medium enterprises (MSME) sa ASEAN International Media Center (IMC) sa World Trade Center sa Pasay City.

Basado kaya sa pagkakarkulo kan ahensya na puon kan magkaigwa nin soft-opening an nasabing hub kan Nobyembre 11 nakatipon na sinda nin ganansya na maabot sa labi sa P900,000.

An “Philippine Experience” an inorganisa kan DOT kaibanan an Presidential Communications Office (PCO) kun sain mahihiling an nagkapirang produktong ipinag-oorgulyo sa Pilipinas.

Igwang mga kiosk kun sain matatanaan an mga ipig oorgulyong produkto hali sa Luzon, Visayas asin Mindanao.

Segun ki Tourism Secretary Dita Angara-Mathay na an hosting kan Pilipinas kan ASEAN an nagtatao nin tsansa para maipabisto kan Pilipinas an produkto kaini sa bilog na kinaban.

Siring suboot kan naging kasuguan ni Presidente Ferdinand Marcos Jr. na an pag host kan Pilipinas kan ASEAN an dapat na aprobitsaran an tsansa ngani na maipabisto an mga ipinagmamalaking produkto kan nacion.