Binuksan na ni President Ferdinand Marcos Jr. an ika-49 na ASEAN Summit kasubagong aga, ngonian na Nobymebre 15, sa paagi kan saiyang opening remarks.
Segun ki Marcos Jr., an 11 ASEAN members na magkaiba sa kadakulaan, kasaysayan, asin kultura, nagtiripon bilang magkakapantay na dara an mga paglaom kan saindang mga katawohan asin an pinagsararong katuyuhan para sa rehiyon.
Ipinaliwanag man niya na dawa nahahampang an rehiyon sa mga hamon arog kan geopolitical tensions, economic uncertainty, climate change, asin transnational threats, pinili man giraray kan mga delegado na magpasiring sa Maynila asin nagdesisyon na iyo mismo suboot an tamang panahon para magtiripon an ASEAN.
Dugang pa niya, wara nin miyembrong nasyon na igwa kan gabos na resources, kakayahan, o solusyon, kaya kaipuhan na magtarabangan an gabos tanganing mapatibay an rehiyon.
Binanggit man niya an mga prayoridad kan ASEAN arog kan maritime cooperation, paglaban sa trafficking, cybercrime, asin online scams, siring man an pagpapatibay kan ekonomiya asin suporta sa mga Micro, Small, and Medium Enterprises (MSME).
