LEGAZPI CITY- Aminado an Bicolano rank 7 sa 2026 Midwifery Licensure Examination na dae pinaglaoman an nasabing akomplishimento.
Segun ki John Walter Ragragio sa intrevista kan Bombo Radyo Legazpi na maging an saiyang pamilya an warang aram na nakuwa siya kan nasabing eksaminasyon.
Pag-istorya man kaini na limitado sana an preparasyon huli ta makalihis an trabaho bilang nurses, saka sana nagkakaigwa nin diit na oras ngani na makapag review.
Aminado man si Ragragio na haros dae nagkakarayo an mga responsibilidad bilang nurse asin bilang midwife.
Katakod kaini, nangapudan man siya na matawan pa nin dagdag na plantilla position an mga midwife urog na sa mga pampublikong ospital huli ta kaipuhan sinda sa health care system kan nacion.
Mientras tanto, sinabi man ni Ragragio na bako madali an nasabing propesyon huli ta duwang buhay an saindang pigkakaputan.
