LEGAZPI CITY-Opisyal nang binuksan an 4-way lane kan Kilicao-Binitayan Bridge sa parte kan Daraga, Albay, ngonian na aldaw nin Huwebes, Nobyembre 12, 2026.
Segun kay Albay Governor Noel Rosal, sa intrevista kan Bombo Radyo Legazpi na sa laog kan 15 taon, natapos na an tulay kun sain igwang 4-way lane asin bike lane, na preparasyon para sa darakulang mga truck, sa parte kan Kilicao, Bañadero, Mabinit, Matnog, asin iba pang lugar.
Inanunsyo an opisyal na pagbubukas kan bagong gibong tulay sa isinaggibong blessing, inauguration, asin turn-over ceremony ngonian na aldaw.
Sa iba pang pahayag sinabi man ni Albay 2nd District Representative Carlos Loria na padagos ining commitment sa publiko asin nagpapasalamat man siya sa gabos na nagtarabang ngani suportaran asin mabilog an nasabing proyekto.
Sa presente, mabebenipisyuhan kaini an publiko, mga nagbi-bisikleta, asin pedestrian lanes na igwang magkakanigong linya sa nasabing tulay.
Marurumduman na binisita pa ini ni dating DPWH Secetary asin ngonian Department of Transportation Secretary Vince Dizon, ngani inspeksyunon an proyekto antes an Undas.
