LEGAZPI CITYInanunsyo kan organizers na kaiba an Kings of P-pop na SB19 sa star-studded lineup kan Coachella 2027 kun sain makakaiba ninda sinda Dua Lipa, Tame Impala asin Sza.
Marurumduman na nakagibo man nin historya an Nation’s Girl Group na BINI sa Coachella Valley Music and Arts Festival ngonian na taon, na nagdara nin Pinoy pride sa sikat na music festival.
Aabangan an SB19 sa duwang weekend run sa Abril 10 asin 17 sa masunod na taon.
Dae man naitago kan grupo an saindang lubos na excitement asin tulos nag-post ngani imbitaran an mga A’Tin o an saindang fans na maghiling sa nasabing festival.
Pigbibilog an grupo nina Stell, Pablo, Ken, Josh, asin Justin na nagpasikat sa kantang “Gento”, “Mapa”, “Bazinga”, “DAM”, asin iba pa.
Ngonian na semana ipinaluwas man ninda an sindang cover kan kantang “FIRESTARTER”, kun sain hinangaan an grupo sa duality kan lengguwahe asin performances.
