LEGAZPI CITY-Inanunsyo kan Philippine Statistics Authority (PSA) Albay na mas nagrikas an pagtaas kan presyo asin serbisyo sa provicia kan Albay sa bulan kan Oktubre.
Basado sa pagtataya kan ahensya nasa 7.0 % an inflation rate kan bulan kan Oktubre 2026, mantang 6.3 percent an nairehistrong inflation kan bulan nin Setyembre.
Susog kay PSA Albay Chief Statistical Specialist Cecil G. Brondial, an average inflation sa provincia nasa 5.1% kun sain pangenot na rason an marikas na paglangkaw kan presyo kan fruits and non-alcoholic beverages, na igwang 5.9% o 36.4% sa kabilugang inflation rate.
Kabale digdi an mga gulayon, batag, cereal, repolyo, asin bagas.
Panduwa sa nag-ambag sa kabilugang kabilugang inflation rate sa provincia, an transport na igwang 13.9% o 32.4% shares, kaibanan an paglangkaw kan presyo kan gasolina asin pamasahe sa pampublikong transportasyon.
Siring man an mga presyo sa mga restaurants asin accomodation services na igwang 3.8% inflation o 14.14% shares sa kabilugang inflation rate sa provincia.
