Inenganyar kan Hollywood star na si Angelina Jolie an mga miyembro ng Association of Southeast Asian Nation (ASEAN) na pangatamanan an kabuhayan, kultura, asin talento kan lambang lokal na komunidad.
Sa saiyang pagbisita sa Pilipinas ngani na magpartisipar sa 2026 ASEAN Inclusive Growth Summit, ipigheras ni Jolie an saiyang labi sa duwang dekada na pagtetenir asin pakikipag koordinar sa mga lokal na komunidad sa Cambodia
Segun saHollywood actress, sarong inisyatiba an saiyang sinuportaran ngani na magtabang sa mga namamanwaan kan nasabing nacion sa manlain lain na kapasidad.
Kaibanan digdi an paglilinig sa mga lugar na igwang landmine, pangangataman sa kalikasan, pagpapatalubo kan sustainable livelihood, asin pagsasanay sa mga residente.
Importante suboot na matutukan an lokal na komunidad ngani na sinda mismo an magpapadalagan sa saindang mga negosyo, magkaigwa nin sadiring kabuhayan, asin maparahay an sitwasyon o kalagayan kan saindang mga komunidad.
Ibinida man ni Jolie an saiyang proyektong Atelier Jolie, sarong plataporma na nagtatabang sa mga local artist asin saradit na negosyante ngani na maipabisto an saindang mga produkto asin mapaabot an pangkinaban na merkado.
