Lima na aking babae an gadan makalihis mahulog sa sapa an saindang linulunadan na bus sa Cambodia kasuodma.
Nangyari an insidente sa Kandal province, 40 kilometro sa norte kan kabisera na Phnom Penh.
Segun sa mga nakahiling, biglang nag-agi an sarong motorsiklo sa atubangan kan bus kaya biglang nagpreno an driver, alagad duminausdos ini sa gilid kan tinampo sagkod na mahulog sa hararom na sapa.
Lunad kan bus an 26 na estudyante na igwang edad na 12 hasta 14 anyos, kun sain 3 an nasa kritikal na kondisyon asin 18 an lugadan, mantang pagkalunod an ikinagadan kan 5 aki.
Nasa kustodiya na kan pulis an 31 anyos na driver para sa interogasyon, mantang pig-omaw an mga residente na tulos nagresponde para iligtas an iba pang aki.
