LEGAZPI CITY-Nagpatanid an Department of Education (DepEd) sa mga paratukdo na maporbar na magpabakal o mag-sangla kan mga itinaong bagong mga laptop.
Segun kay DepEd Secretary Sonny Angara, na igwa sindang inilaag na istriktong pa-iingat ngani masierto na dae magamit sa iligal na aktibidad o magamit sa ibang paagi an mga ini.
An nasabing pahayag, kasunod kan pagpopoon kan DepEd na magheras nin nasa 231,000 na mga laptop sa paratukdo sa bilog na nacion.
Dagdag pa kan Kalihim na dae posibleg ipabakal ini huli ta pag-sadiri ini kan gobierno.
Enot nang sinabi kan DepEd na igwang 231,725 na laptops an saindang nabakal para sa mga paratukdo.
Sa nasabing numero, igwang 169,008 na MacBook Neo units mantang 62,717 an mga Windows-based laptops.
Makakaresibe man an mga administrative officers nin DepEd na 3,646 MacBook Neo.
Kada eskwelahan suboot an igwang property custodians na nagbabantay kan imbentaryo asin masierto na ini nagagamit sa tama.
