LEGAZPI CITY-Ipigbuyagyag kan singer na si Alanis Morissette na siya pansexual.
Segun sa 52-anyos na Canadian singer na tsaka sana niya namatwan an nasabing kasarian.
An pansexual, maikokonsiderang pagkaakit kan sarong tao sa personalidad kan iba maski na anumang kasarian kaini.
Kasabay kaini, naghagad siya nin dispensa sa mga lalaki na nabighani sa saiya.
Marurumdumang nagkapirang celebrities an inakong sinda pansexual man, arog nina Miley Cyrus, Janelle Monae, asin JoJo Siwa.
Kan nakaaging aldaw, ipinaluwas kan singer an saiyang bagong album mapadapit sa sa collection kan holiday music.
