LEGAZPI CITY-Laog na sa semifinals kan Hong Kong Open an Filipina tennis sensation na si Alex Eala makalihis niyang daugon an Croatian player na si Antonia Ruzic sa straight sets, 7-6, 7-5.
Naging dikdikan an laban kan duwang player, alagad nagibo ni Eala an gabos ngani maselyuhan an trayumpo asin makausad sa semifinals.
Masunod na makakahampang ni Pinay tennis star an Greek player na si Maria Sakkari, na presenteng World No. 30 asin dating World No. 3 kan Marso 2022.
Apat na player na sana an natatada sa torneyo kaiba sina Eala, Sakkari, Claire Liu, asin si Alexandra Shubladze.
